Карыстальнікаў Сеціва ўзрушыла фота гіганцкага смаўжа
- 25.07.2017, 17:04
Здымак незвычайнай істоты сабраў больш за 120 тысяч упадабанняў.
Карыстальніца Twitter з мянушкай Madds апублікавала на сваёй старонцы здымак гіганцкага афрыканскага смаўжа, які праз свае вялізныя памеры нават не змог змясціцца ў яе на далоні. Фота сабрала за два дні больш за 120 тысяч упадабанняў і звыш 40 тысяч перадрукаў.
Афрыканскі смоўж або Ахаціна гіганцкая - наземны бруханогі малюск, які належыць да класа лёгачных смаўжоў. Смоўж з'яўляецца шкоднікам сельскагаспадарчых раслін, асабліва цукровага трыснягу.