ВНУ, у якой вучыўся Лукашэнка, не змагла набраць студэнтаў – нават на бясплатнае

• 25.07.2017, 15:49

Некаторыя вышэйшыя навучальныя ўстановы ў Беларусі гатовы абвесціць дадатковы набор.

Усяго ў краіне паводле вынікаў уступнай кампаніі незапатрабаванымі засталіся больш за два дзясяткі бюджэтных месцаў, піша gazetaby.com.

Паводле іроніі лёсу, больш за ўсё вакантных месцаў апынулася ў Магілёўскім дзяржаўным універсітэце імя Куляшова – у ВНУ, якую ў свой час скончыў беларускі дыктатар. Тут незанятымі застаюцца шэсць месцаў у спецыяльнасці «фізіка і інфарматыка» з дзённай формай навучання.

Цікава, што на завочнай форме навучання адно незапатрабаванае месца засталося якраз на спецыяльнасці «гісторыя і грамадазнаўчыя дысцыпліны».

Адзначым, што ў заходніх краінах ВНУ, у якіх вучыліся вядомыя палітыкі і кіраўнікі дзяржаваў, наадварот, мяркуюцца больш прэстыжнымі – патрапіць туды можна альбо за вялікія грошы, альбо прайшоўшы праз жорсткі адбор.