Парашэнка распавёў, чаго запатрабуе падчас перамоваў «Нармандскай чацвёркі»
- 23.07.2017, 14:36
У выпадку невыканання Расеяй забеспячэння рэжыму цішыні ёй пагражае ўзмацненне санкцыяў, згодна з пастановай саміту G7.
Падчас перамоваў у нармандскім фармаце прэзідэнт Украіны Пётр Парашэнка запатрабуе ад Расеі неадкладнага забеспячэння рэжыму цішыні. Пра гэта ён паведаміў у Facebook.
"Падчас тэлефоннай канферэнцыі ў нармандскім фармаце, якая плануецца на наступным тыдні, буду патрабаваць неадкладнага забеспячэння рэжыму цішыні", – напісаў Парашэнка.
Паводле словаў Парашэнкі, у выпадку невыканання – узмацненне санкцыяў супраць Расеі згодна з нядаўняй пастановай саміту G7.