У Адэскай вобласці невядомыя захапілі будынак суда

• 21.07.2017, 17:53

Суддзяў Шыраеўскага раённага суда Адэскай вобласці Украіны трымаюць у закладніках.

Актывісты грамадскай арганізацыі "Украіна - гэта мы" захапілі памяшканне Шыраеўскага раённага суда Адэскай вобласці і ўтрымліваюць у закладніках суддзяў. Пра гэта паведамляе Liga.net.

"У Вышэйшую раду правасуддзя паступіла паведамленне кіраўніка Шыраеўскага раённага суда Палія С.А. аб захопе будынка суда. Звесткі ўнесеныя ў Рэестр паведамленняў суддзяў аб умяшанні ў дзейнасць суддзі для ажыццяўлення правасуддзя, распачатая праверка", - сказана ў паведамленні.

Паводле паведамлення, у будынку суда выбітыя вокны і дзверы, уваходы заблакаваныя шынамі - іх пагражаюць падпаліць.

"У гэтыя хвіліны адбываецца фактычны захоп адміністрацыйнага будынка суда" актывістамі "і ўтрыманне ў закладніках суддзяў Шыряеўскага раённага суда Адэскай вобласці", - гаворыцца ў паведамленні.