Кошт барэля Brent упершыню за паўтара месяца падняўся вышэй за $50

• 20.07.2017, 18:09

Кошт барэля нафты маркі Brent падняўся вышэй за $50 упершыню з 7 чэрвеня 2017 года.

Падчас сённяшніх таргоў на біржы ICE ў чацвер кошт падняўся да адзнакі $50,19, што прыкладна на 1% вышэй за ўзровень закрыцця папярэдніх таргоў, піша РБК.

Рост нафтавых катыровак адбываецца на фоне публікацыі Мінэнэрга ЗША звестак аб памеры запасаў сырой нафты ў краіне. Насуперак ацэнцы Амерыканскага інстытута нафты, экспэрты якога прагназавалі павелічэнне запасаў на 1,6 млн барэля, запасы нафты, паводле ацэнкі Мінэнэрга, скараціліся за тыдзень на 4,7 млн барр.

Да 17:15 кошт барэля нафты маркі Brent на біржы ICE складаў $50,02.