У Менску ўспамінаюць Паўла Шарамета

• 20.07.2017, 12:16

На памятнае мерапрыемства прыйшлі калегі журналіста, грамадскія і палітычныя дзеячы.

А 12-й гадзіне на Паўночных могілках у Менску сябры і знаёмыя Паўла Шарамета, а таксама ягоныя калегі, грамадскія і палітычныя дзеячы ўспамінаюць забітага журналіста. «Радыё Свобода» вядзе наўпростую трансляцыю.

Прафесійная супольнасць страціла выбітнага, адважнага калегу. Сябры і родныя – блізкага чалавека.

Аўтамабіль, у якім Павел ехаў на працу, выбухнуў на скрыжаванні цэнтральных вуліцаў Кіева. Уратаваць Паўла было немагчыма – атрыманыя траўмы былі не сумяшчальныя з жыццём.