Верхавод данецкіх баевікоў абвесціў пра стварэнне «Маларосіі»
- 18.07.2017, 11:52
«Сталіцай» квазідзяржавы абвешчаны Данецк.
«Мы мяркуем, што дзяржава Украіна ў тым выглядзе, у якім яна была, не падлягае аднаўленню. Мы, прадстаўнікі рэгіёнаў былой Украіны, за выключэннем Крыма, заяўляем пра заснаванне новай дзяржавы, якая з'яўляецца пераемніцай Украіны. Мы згодныя з тым, што новая дзяржава будзе называцца Маларосіяй, бо сама назва Украіна дыскрэдытавала сябе», – заявіў верхавод баявікоў.
Пра гэта ён заявіў сёння, паведамляе «Інтэрфакс».
Паводле ягоных словаў, «сталіцай Маларосіі» становіцца горад Данецк, а горад Кіеў застаецца «гісторыка-культурным цэнтрам без статусу сталічнага горада».
У склад псеўдаўтварэння таксама ўвойдзе «ЛНР».
Захарчанка таксама дадаў, што неабходна будзе ўвесці ў «краіне» надзвычайнае становішча на тры гады. Ён таксама адзначыў, што сітуацыя на Данбасе зайшла ў тупік, завязаўся «такі вузел, які рассячы ўжо нельга».
Раней Апеляцыйны суд Кіева даў дазвол на затрыманне і арышт Захарчанкі. Цяпер Захарчанка мае статус падазраванага ў крымінальнай вытворчасці паводле ч. 1 арт. 258-3 КК Украіны (стварэнне тэрарыстычнай групы або тэрарыстычнай арганізацыі).