Дзеля картэжу патрыярха Кірыла з 13 аўтамабіляў перацялі вуліцу ў Кіраве

• 6.06.2017, 20:15

Відавочцы знялі на відэа картэж патрыярха Кірыла, для праезду якога перацялі вуліцу ў Кіраве.

У склад калоны ўваходзілі чатыры паліцэйскія самаходы і дзевяць легкавікоў. Мясцовыя СМІ паведамляюць, што аўтамабілі рухаліся з вялікай хуткасцю па абсалютна пустой дарозе. Далей патрыярх перасеў на гелікаптэр, паведамляе партал Progorod.

Патрыярх Кірыл прыбыў у вёску Вялікарэцкую, каб здзейсніць літургію на беразе ракі Вялікай, таксама ён наведае Трыфанаў манастыр і Успенскі кафедральны сабор.