Украінскія арганізацыі і банкі зазналі хакерскія напады
- 27.06.2017, 16:11
Атака пачалася блізу 11.30, вірус хутка распаўсюдзіўся на шэраг камерцыйных і дзяржаўных арганізацый Украіны.
Некалькі ўкраінскіх банкаў зазналі замежны хакерскі напад невядомым вірусам. Пра гэта gordonua.com паведаміла прэс-служба Нацбанку Украіны.
Акрамя гэтага, паводле інфармацыі НБУ, пацярпелі некалькі прадпрыемстваў камерцыйнага і дзяржаўнага сектара.
«У выніку такіх кібератак гэтыя банкі маюць складанасці з абслугоўваннем кліентаў і ажыццяўленнем банкаўскіх аперацый. Цяпер у фінансавым сектары ўзмоцненыя захады бяспекі і процідзеяння хакерскім нападам усіх удзельнікаў фінансавага рынку», - гаворыцца ў паведамленні.
Напад пачаўся блізу 11.30, вірус хутка распаўсюдзіўся на такія аб’екты:
Банкі «Ощадбанк», «Південний», ОТП
«Укрзалізниця»
аэрапорт Барыспаль
«Эпіцэнтр»
«Новая пошта»
ДТЭК
«Укрэнэрга»
«Кіеўэнэрга»
Сетка заправак ТНК
ТРК «Люкс»
«Антонаў»
Кіеўводаканал
Паведамляецца, што вірус называецца mbr locker 256.