Як праходзіць служба на вучэбнай базе ЦАХАЛ у пустыні

• 24.06.2017, 20:43

Рэстарацыя, марозіва, цырульня і буцікі.

Жаўнеры спрабуюць пераканаць, што гэта выглядае, як гатэль, але напраўду гэта не мае нічога агульнага з дзіцячым лагерам. У гэта складана паверыць, калі бачыш увесь дыяпазон паслуг і тавараў, прадстаўленых на тэрыторыі вайсковага гарадка, пішуць «Вести Израиль».

На тэрыторыі вайсковага гарадка «Ір а-БААДзім» (комплекс вайсковых і навучальных баз ЦАХАЛ, размешчаных у пустыні Негеў) пачалі працу цэлы шэраг устаноў грамадскага харчавання і крамаў, частка з якіх не саступаюць канкурэнтам, існым у цэнтры краіны.

Так, вядомая ў Тэль-Авіве рэстарацыя «101», якая знаходзіцца ў «Сароне», адкрыла філіял і цяпер вайскоўцы без адрыву ад службы і вучэнняў могуць паабедаць гамбургерамі, амаль як у горадзе без перапынку. Акрамя таго, працуе кавярня з вялікім выбарам розных гатункаў марозіва, крамы адзення і бытавой тэхнікі, цырульня. Паказальна, што працуюць тут «грамадзянскія», так што нарад па ўборцы ў рэстарацыі вайскоўцам не пагражае.

Падпалкоўнік Саар Харазі запэўніў, што, вызваленне жаўнераў ад гаспадарчых работ не прычыняе шкоды іх баявой падрыхтоўцы, але насупраць дае ім магчымасць цалкам засяродзіцца на авалоданні вайсковай спецыяльнасцю ў рамках розных курсаў, якія дзейнічаюць на тэрыторыі гарадка. Адзначым, што тут праходзяць навучанне, пачынаючы ад базісных прафесій, напрыклад, на кіроўцу трэйлера, так і на пілота.