Азаранка саступіла на турніры ў Мальёрцы 19-гадовай харватцы
- 22.06.2017, 21:44
Беларуская тэнісістка скончыла выступ на турніры ў Мальёрцы, саступіўшы ў другім коле Ані Конюх.
19-гадовая Конюх вельмі добра пачала сустрэчу, выйграўшы дзевяць стартавых розыгрышаў запар. Пасля гэтага Вікторыя Азаранка трохі выраўняла гульню, але ў вырашальныя моманты харватка была больш эфектыўнай. Конюх практычна не памылялася і выйграла першы сэт з лікам 6:1, піша tut.by.
У другім сэце Азаранка выглядала лепш, нават выйграўшы адзін брэйк-пойнт, але ў неабходны момант Аня, якая займае 28-е месца ў рэйтынгу WTA дадала і давяла матч да перамогі - 6:1, 6:3.
У першым коле Вікторыя Азаранка здабыла цяжкую перамогу над японкай Рысай Адзакі - 6:3, 4:6, 7:6.
Адзначым, што ўдзел у спаборніцтвах на Мальёрцы Азаранка разглядае як падрыхтоўку да Уімблдонскага турніру, які стартуе 3 ліпеня.
Вікторыя Азаранка стала мамай 20 снежня 2016 года. Нованароджаны з'явіўся на свет у Злучаных Штатах Амерыкі і атрымаў імя Леа Аляксандр.