Мілонаў запатрабаваў забраць у Святланы Алексіевіч Нобеля

• 22.06.2017, 18:13

Адыёзны расейскі дэпутат вырашыў зноў звярнуць на сябе ўвагу.

На гэты раз Мілонава абурыла інтэрв'ю Святланы Алексіевіч, якое было надрукаванае агенцтвам «Регнум». Дэпутат падрыхтаваў зварот у Нобелеўскі камітэт з просьбай пазбавіць пісьменніцу прэміі, піша iz.ru.

На думку Міланава, Алексіевіч парушыла «маральныя законы і скампраметавала званне лаўрэата Нобелеўскай прэміі».

Цікава, што ў адпаведнасці са статутам Нобелеўскага фонду, звання Нобелеўскага лаўрэата пазбавіць немагчыма.