Беларусь закупіць у Расеі яшчэ чатыры самалёты Як-130

• 21.06.2017, 15:24

Пры гэтым Мінабароны яшчэ не разлічылася з РФ за папярэднія 12 самалётаў.

Беларусь плануе закупіць яшчэ чатыры вучэбна-баявыя самалёты Як-130, паведаміў сёння журналістам міністр абароны Андрэй Раўкоў, паведамляе БелТА.

«У нас закуплена восем Як-130, вучэбна-баявых самалётаў, яны выкарыстоўваюцца. Мы плануем у будучыні, напэўна, яшчэ чатыры закупіць», - заявіў кіраўнік міністэрства.

Андрэй Раўкоў звярнуў увагу, што ў краіне дзейнічае дзяржаўная праграма ўзбраення, на падставе якой ідзе набыццё самалётаў.

Зыходзячы з гэтай дзяржпраграмы, а таксама дзяржаўнага абароннага заказу і вылучаюцца бюджэтныя асігнаванні на развіццё Узброеных Сіл.

Што да ўкладання Беларуссю кантракту з Расеяй на пастаўку партыі самалётаў Су-30 СМ, гэты кантракт, са слоў Андрэя Раўкова, пачне дзейнічаць з пачаткам фінансавання. Пры гэтым тэрмінаў паставак баявых машын міністр не ўдакладніў.

Вядома толькі, што беларускі бок плануе набыць 12 самалётаў.