Дзяніс Шунт: Для нас Алег Дулуб цяпер - ідэальны трэнер

• 26.05.2017, 9:11

Калі Дулуб перастане трэніраваць «Карпаты», яго неадкладна паклічуць у «Крумкачы».

Кіраўнік «Крумкачоў» Дзяніс Шунт ў інтэрв'ю «Прессболу» адзначыў, што пакліча ў каманду Алега Дулуба, калі той пакіне «Карпаты».

- Навіна аб магчымым сыходзе Дулуба з «Карпат» неяк паскорыла працэс расстання з Пяценкам?

- Не. Яны з'явіліся ўжо пасля таго, як мы паціснулі адзін аднаму рукі. І вельмі мяне здзівілі.

- Калі, умоўна кажучы, заўтра Дулуб перастане трэніраваць «Карпаты», адразу ж паклічаце яго назад?

- Вядома. Двойчы ў адну раку не ўвойдзеш. Але мы ўжо іншая каманда. І Алег Анатольевіч, напэўна, іншы трэнер. У выпадку чаго ўсё будзе па-новаму. Для нас Дулуб цяпер - ідэальны трэнер. Проста ў яго шматгадовы кантракт з іншым клубам. Я нават прапанову яму не маю права рабіць.