Лукашэнка: У Захарава і хакеістаў толькі «зеляніна» ў вачах!

• 25.05.2017, 21:45

Дыктатар чарговым разам прайшоўся па хакеістах.

Аляксандр Лукашэнка на нарадзе аб пытаннях развіцця хакея ў краіне падкрэсліў, што і прафесійным спартоўцам, і трэнерам, якія не дабіліся вынікаў, варта суняць матэрыяльны апетыт, паведамляе СТВ.

- Устанавіце нармальны заробак за гульню, а за вынік - дадайце. І трэба істотна прызавыя дадаваць за вынік унутранага чэмпіянату. Тады будуць гуляць тут. А яны ўсе - ад Захарава да шараговага хакеіста - не думаюць ні пра што, акрамя заробку! У іх зялёныя вочы, паглядзіце. Ва ўсіх! Зялёныя вочы! У нас ужо няма ні карых, ні блакітных, толькі «зеляніна» ў вачах! Мы не супраць плаціць. Але за што плаціць? - здзіўляецца дыктатар.