Затрыманы былы старшыня Клімавіцкага райвыканкама?

• 24.05.2017, 21:34

Размовы аб ранейшым кіраўніку раёна не сунімаюцца ўжо каторы дзень.

Увесь травень Клімавічы турбуюць чуткі, звязаныя з затрыманнем праваахоўнымі органамі былога старшыні Клімавіцкага райвыканкама Віталя Грышанава. Размовы аб ранейшым кіраўніку раёна не сунімаюцца ўжо каторы дзень, піша 6tv.by.

Віталь Леанідавіч Грышанаў узначальваў Клімавіцкі райвыканкам шэсць гадоў, з 2004 да 2010 года. Пасля працаваў у сталічным аблвыканкаме і Слуцку, апошняе месца працы - дырэктар УП «Барысаўскі камбінат хлебапрадуктаў».

Афіцыйна ў ягоным цяперашнім становішчы нічога не змянілася. Адкуль жа ўзніклі ўпартыя чуткі, што цяпер у Віталя Грышанава нейкія невыгоды? Як добра вядома, такія гутаркі не з'яўляюцца на пустым месцы. І, мяркуючы з усяго, штосьці напраўду адбылося.

У як піша гарадскі партал Барысава «Обо всем в Борисове». У навіннай нататцы «Незаменных няма» ад 4 траўня: «... праваахоўнымі органамі затрыманы дырэктар млынкамбіната (гандлёвая марка «Уладар»), праўда, афіцыйнай інфармацыі яшчэ няма, і на сайце прадпрыемства яшчэ значыцца Грышанаў Віталь Леанідавіч».

Гэтая навіна дагэтуль не зняпраўджаная. З прычыны таго, што яна прывабіла значную грамадскую ўвагу.