Заўзятары «Нансі» назвалі Чарніка найлепшым гульцом сезона
- 23.05.2017, 19:50
Беларускі галкіпер прадоўжыць кар'еру ў Францыі.
Заўзятары «Нансі» пасля кожнай гульні клуба ў мінулым сезоне чэмпіянату Францыі выбіралі найлепшага гульца двубою. Больш за ўсіх, 6 разоў, годнасць MVP сустрэчы атрымліваў беларускі галкіпер-легіянер Сяргей Чэрнік.
Пра гэта паведамляе афіцыйны сайт «Нансі».
Чэрнік прадоўжыць кар'еру ў французскім клубе, нягледзячы на вылет каманды з Лігі 1. Тэрмін ягонага кантракту з «Нансі» мінае праз два гады. Пасля адпачынку брамнік павінен прыбыць у клуб, які 27 чэрвеня пачне падрыхтоўку да новага сезону.