Стала вядома, навошта сілавікі ўспалі на пратэжэ Лукашэнкі

• 22.05.2017, 20:33

Міліцыянты ўварваліся ў дом старшыні Аршанскага райвыканкама на мінулым тыдні.

Пастанова аб пранікненні міліцыянтаў без дастатковых падстаў у жылое памяшканне, дзе знаходзіўся старшыня Аршанскага райвыканкама, была прынятая пэўнымі службовымі асобамі Віцебскай вобласці. Пра гэта БелТА паведамілі ў адміністрацыі Лукашэнкі са спасылкай на вынікі першаснай праверкі.

«Інцыдэнт адбыўся на мінулым тыдні. Як вынікае з тлумачэнняў старшыні райвыканкама, праз хваравіты стане, некаторы час ён не выходзіў на сувязь. Прадстаўнікі праваахоўных структур праніклі ў дом, дзе знаходзіўся Леанід Пянькоўскі, з мэтай высвятлення ягонага месцазнаходжання. Старшыня райвыканкама ў той момант знаходзіўся на месцы пражывання сваякоў у горадзе Воршы», - распавялі ў адміністрацыі.

Ацэнку факту пранікнення ў дом асобы, якая знаходзіцца ў кадравым рэестры кіраўніка дзяржавы, цяпер дае Следчы камітэт.

Нагадаем, што сёння Лукашэнка на сустрэчы са старшынём Следчага камітэта Іванам Наскевічам абурыўся: «Хто даў права да чалавека, узгодненага да прызначэння з прэзідэнтам, урывацца ў дом. Для таго, каб праваахоўныя органы маглі весці нейкія расследаванні аб чалавеку, які ўваходзіць у кадравы рэестр прэзідэнта, трэба згода прэзідэнта. Уварваліся, пачалі нешта ўдакладняць. Новы чалавек прыйшоў працаваць. Таўро на ім паставілі. Нядобры сігнал. Матэрыялы ўжо ёсць. Разбярыцеся. Мне патрэбна мужчынская, сапраўдная ацэнка гэтай сітуацыі», - дадаў Лукашэнка.