У Польшчы пачынаюцца вайсковыя вучэнні NATO

• 16.05.2017, 15:26

Паўночнаатлантычны альянс адпрацоўвае абарону ад гібрыднай вайны.

Сцэнар вучэнняў Альянсу прадугледжвае ўзнікненне збройнага канфлікту таго тыпу, які Расеі праводзіць супраць Украіны - гібрыднай вайны, піша liga.net.

У Польшчы пачынаюцца вайсковыя вучэнні Puma пры ўдзеле батальёнаў баявой групы Паўночнаатлантычнага альянсу. Пра гэта паведамляе канал RMF24.

Вучэнні пройдуць у горадзе Ожыш, у іх возьмуць удзел 2,5 тысяч вайскоўцаў.

Мэтай вучэнняў, якія будуць доўжыцца да 26 траўня, з'яўляецца адпрацоўка сцэнарыяў узаемадзеяння нацыянальных узброеных сілаў з батальённай групай NATO.

Сцэнар прадугледжвае ўзнікненне збройнага канфлікту, але не ў класічным разуменні: гаворка ідзе пра гібрыдную вайну:

«У сцэнары мы мяркуем, што праціўнік урываецца на нашу тэрыторыю, жаўнеры выходзяць на абарончыя рубяжы, спыняюць ворага, прыступаюць да контратакі і адваёўваюць страчаныя тэрыторыі», - сказаў кіраўнік 15-й Гіжыцкай мехбрыгады Яраслаў Грамадзінскі.