У Менску гарэў дражджавы камбінат

• 7.04.2017, 14:38

Больш за ўсё пацярпеў більярдны пакой на трэцім паверсе.

Увечары 6 красавіка сталічныя ратавальнікі атрымалі паведамленне пра пажар на дражджавы камбінаце (вул. Кастрычніцкая, 14).

Пра здарэнне паведамляе прэс-служба Міністэрства надзвычайных сітуацый.

Прыбыўшы на месца, ратавальнікі ўбачылі дым сярэдняй канцэнтрацыі з вокнаў трэцяга паверха. Падчас тушэння было ўстаноўлена, што на другім паверсе ў адміністрацыйным будынку адбылося ўзгаранне лесвічнага марша (з другога на трэці паверх), а таксама маёмасці ў більярдным пакоі на трэцім паверсе.

Пацярпелых няма, эвакуацыя не праводзілася. Прычына загарання высвятляецца, версія, якая разглядаецца, - кароткае замыканне.