Прэзідэнт Францыі заклікаў выбарцаў галасаваць за Макрона

• 29.04.2017, 20:26

Франсуа Аланд заклікаў галасаваць за Эмануэля Макрона ў другім туры прэзідэнцкіх выбараў 7 траўня.

Выступаючы ў суботу ў кулуарах саміту ЕЗ, прэзідэнт Францыі Франсуа Аланд заявіў, што абавязак кожнага выбарца перад Францыяй і Еўропай зрабіць выбар на карысць палітыка-цэнтрыста, прыхільніка еўраінтэграцыі, а не ягонага апанента - лідарку ультраправых і супраціўніцу Еўразвязу Марын Ле Пэн, перадае «Радио Свобода».

Паводле апошніх апытанняў, Макрона падтрымліваюць 59-60 адсоткаў французаў.

У суботу ж Ле Пэн абвясціла, што ў выпадку сваёй перамогі прызначыць прэм'ер-міністрам былога кандыдата ў прэзідэнты, нацыяналіста і еўраскептыка Нікаля Дзюпон-Эньяна, які ў першым туры выбараў 23 красавіка атрымаў 4,7 адсоткі галасоў.