Freedom House: Беларусь паводле свабоды прэсы знаходзіцца паміж Венесуэлай, Конга і Свазілендам

• 28.04.2017, 11:37

Міжнародная грамадская арганізацыя Freedom House апублікавала агляд свабоды прэсы ў свеце за 2016 год.

Паказчык свабоды прэсы Freedom House ў 2016 годзе быў на самым нізкім за 13 гадоў узроўні: адзначаліся беспрэцэдэнтныя пагрозы для журналістаў у розных краінах свету, паведамляе «Радыё Свабода».

Беларусь у рэйтынгу Freedom House па-ранейшаму ўважаецца несвабоднай краінай – на 175-м месцы з 200 краін у аглядзе, паміж Самалі, Венесуэлай і Дэмакратычнай Рэспублікай Конга (172-174 месца), Расеяй, Свазілендам і В'етнамам (176-178 месца).