Самалёт ўрада РФ загамаваў на ўзлётнай палосе праз непаладкі
- 25.04.2017, 19:20
Самалёт Ту-214 ужыў экстраннае гамаванне пры вылеце з Омска праз тэхнічныя непаладкі.
У кабіне пілотаў спрацаваў сігнал «не замкнёныя дзверы», перадае «Радыё Свабода».
Гэтым рэйсам мелі вылецець у Маскву міністр культуры РФ Уладзімір Мядзінскі, сакратар генеральнай рады «Адзінай Расеі» Сяргей Нявераў і яшчэ некалькі сябраў партыі. Пра гэта паведаміла журналістка «Камсамольскай праўды» Алена Крывякіна, якая знаходзілася на борце.
Чыноўнікі і журналісты суправаджалі прэм'ер-міністра РФ Дзмітрыя Мядзведзева падчас працоўнай выправы ў Омск. Яны вернуцца ў Маскву іншым бортам. Сам кіраўнік расейскага ўрада ўжо паляцеў з Омска на ўрадавым Іл-96.