Італьянскі брэнд MaxMara вырабіў блузкі і сукенкі-вышыванкі
- 21.04.2017, 19:52
Адзенне з беларускім каларытам заўважылі ў адной з крам у Сан-Францыска.
Вялікая італійская марка моднага адзення MaxMara вырабіла дзве жаночыя блузкі, шалік і сукенку-вышыванку з традыцыйным чырвоным арнаментам. Мянчанка Дар'я Сясіцкая заўважыла адзежу ў адной з крам у Сан-Францыска і распавяла CityDog.by пра тое, колькі каштуе пафарсіць у вышыванцы ад італійскай маркі.
Некаторыя арнаменты нагадваюць традыцыйныя беларускія. Дзякуючы спецыялістам сайту «Беларускія арнаменты» можна вызначыць, што ў адзенні італійскай маркі сустракаецца арнамент «Кручкаватая ромбачка», які сімвалізуе ўрадлівасць і чысціню, і «Знак жаночай красы».