У цэнтры Ляхавічаў шпацырава невядомая жывёліна
- 21.04.2017, 15:14
Спачатку мясцовыя жыхары прынялі яе за дзіка.
«А вы бачылі, як учора ў горадзе шпацыраваў дзік?», - напісала мясцовая супольнасць «Падслухана Ляхавічы» ў сацсетцы «Вконтакте».
Там жа былі і апублікаваныя фатаграфіі жывёліны.
Як выявілася, па вуліцах горада шпацыраваў не дзік, а свойская в'етнамская свіння, якая ўцякла з прыватнага падворка, распавялі Intex-press ва ўправе сельскай гаспадаркі і харчавання Ляхавіцкага райвыканкама. Уцякачку вярнулі гаспадарам.