У Горадні адкрываецца Burger King

• 21.04.2017, 11:19

Папулярны амерыканскі фастфуд пачне працаваць з 22 красавіка.

У самым цэнтры Горадні, на Савецкай, 25 у суботу 22 красавіка пачне працу першая ўстанова папулярнага амерыканскага фастфуду Burger King, паведамляе hrodna.life.

Афіцыйнае адкрыццё рэстарана ў прысутнасці кіраўніцтва горада і дырэктараў сеткі фастфуду ў Беларусі запланаваны на найбліжэйшы чацвер, 27 красавіка.

Чакаецца, што на працягу двух месяцаў у «АЛМІ» на праспекце Касманаўтаў у Горадні адкрыецца другі Burger King

У ліпені 2015 года кампанія Burger King паспяхова адкрыла сваю першую рэстарацыю ў Менску, цяпер у сталіцы іх усяго 7.