У НАСА прызналі спадарожнікі Юпітэра і Сатурна прыдатнымі для жыцця

• 14.04.2017, 14:35

Даследчыкі прысвяцілі гэтым спадарожнікам некалькі місій.

Нацыянальная ўправа аэранаўтыкі і даследавання касмічнай прасторы ЗША (НАСА) назвала спадарожнік Юпітэра Еўропу і спадарожнік Сатурна Энцалад падыходнымі месцамі для пошуку жыцця, паведамляе CNN (пераклад - snob.ru).

НАСА прысвяціла гэтым спадарожнікам некалькі місій. Так, касмічны апарат «Касіні» выявіў мноства малекул вадароду ў струменях вады, якая падымаецца з пераломаў ледзяной паверхні Энцаладу. Даследчыкі мяркуюць, што ў гэтага спадарожніка ёсць амаль усе асноўныя прыкметы для існавання жыцця. Акрамя таго, тэлескоп «Хабл» паказаў, што на самым цёплым участку паверхні Еўропы, спадарожніка Юпітэра, з'явіўся вадзяны шлейф.

Еўропа - адзін з шасці спадарожнікаў Юпітэра і адзін з чатырох найбуйнейшых галілеевых спадарожнікаў). Яго памер супастаўны з памерам Месяца - 3122 кіламетры ў дыяметры, што толькі на 352 кіламетры менш за дыяметр Месяца. У верасні НАСА апублікавала здымак гейзераў на паверхні Еўропы. Даследнікі мяркуюць, што яны могуць складацца з вадзянога пару.

Энцалад - шосты ў памеры з 62 спадарожнікаў Сатурна з пацверджанай арбітай. Яго дыяметр - 504 кіламетры. У 2014 годзе «Касіні» знайшоў сляды падземнага акіяна вадкай вады на Энцаладзе.