«З панскай ласкі»: Выхавацелькам у Пінску падарылі па $1,5

• 30.03.2017, 8:48

Дзяржаўны прафсаюз зрабіў падарункі, якія больш нагадваюць абразу.

Выхавальніцам пінскіх дзіцячых садкоў падарылі ад дзяржаўнага прафсаюза падарункавы сертыфікат на суму 3 рублі, які можна атаварыць у краме «Тавары для жанчын», паведамляе «Медыя-Палессе».

Фотаздымак гэтага сертыфікату быў вывешаны ў групе pinskislove ВКонтакте.

Запіс адразу ж выклікаў буру каментароў, большасць з якіх негатыўныя. Многія лічылі, што лепш бы не знеслаўляліся і наогул нічога не дарылі, чым падарунак на 3 рублі. Некаторыя пісалі, што прафсаюз бедны, але хоць штосьці робіць. Было меркаванне, што падарункі – гэта не асноўная праца прафсаюза, яго задача абараняць працоўных.

Многія інтэрнэт-карыстальнікі сцвярджалі, што на 3 рублі нічога купіць немагчыма.

Журналісты схадзілі ў краму «Тавары для жанчын», якая выпусціла гэтыя падарункавыя сертыфікаты і паглядзелі, што можна купіць на суму ў межах 3 рублёў.