Мікалай Статкевіч: Мы працягнем пратэсты 1 і 9 траўня
- 27.03.2017, 12:32
Беларусы будуць дзейнічаць крэатыўна і нечакана для ўладаў.
Адзін з лідараў Беларускага Нацыянальнага Кангрэсу Мікалай Статкевіч заклікаў працягнуць пратэсты ў Менску 1 і 9 траўня.
«Мы будзем шукаць іншыя формы пратэсту, каб дзеянні ўладаў супраць людзей выходзілі ім бокам. Мы будзем выходзіць на афіцыйныя святы, на 1 траўня, 9 траўня. Гэта нашы святы, чаму мы не можам сабрацца і ўскласці кветкі да помніка?
1 траўня збярэмся на маёўку, напрыклад, на Кастрычніцкай плошчы. А 9 траўня пройдзем разам з ветэранамі, ускладзем кветкі, з надзеяй, што Беларусь зноў будзе вызваленая», — заявіў Мікалай Статкевіч «Радыё Свабода» пасля вызвалення з СІЗА КДБ на прэс-канферэнцыі ў сябе дома.