Шакавальныя фота i відэа з Дня Волі ў Менску

• 25.03.2017, 19:32

«Шуняўкі» супраць беларусаў.

Сёння ў Менску павінна была прайсці акцыя, прысвечаная гадавіне абвяшчэння незалежнасці Беларускай Народнай Рэспублікі. Пачатак мерапрыемства быў запланаваны на 14-00 ля Акадэміі Навук.

Аднак міліцыя ачапіла месца збору ўдзельнікаў акцыі і запатрабавала ад людзей пакінуць тэрыторыю. Аднак, менчукі прадаўжалі збірацца ў гэтым раёне. Некалькі тысяч чалавек пайшлі шэсцем праспектам Незалежнасці ў бок Кастрычніцкай плошчы.

Аднак супраць мірных людзей былі выстаўленыя кардоны ўзброенага АМАП і вадамёты. Затрымана шмат людзей, уключаючы праваабаронцаў і журналістаў, у тым ліку замежных.

Сайт Charter97.org вёў тэкставую онлайн-трансляцыю з Дня Волі ў Менску.