Forbes назваў самых багатых жанчын 2017 года
- 23.03.2017, 16:31
Сёлета ў рэйтынг мільярдэраў паводле версіі амерыканскага дзелавога партала ўвайшла рэкордная колькасць жанчын.
Спіс самых багатых людзей свету чацвёрты год запар узначальвае заснавальнік кампаніі Microsoft Біл Гейтс. Багацце 61-гадовага прадпрымальніка складае $86 млрд. На другім месцы выявіўся Уорэн Бафет ($75,6 млрд), а на трэцім – Джэф Безас ($72,8 млрд).
Ад мужчын не адстаюць і жанчыны. Сёлета ў рэйтынг мільярдэраў паводле версіі Forbes (пераклад – nv.ua) увайшла рэкордная колькасць жанчын – 227. Гэта на 25 чалавек больш, чым летась. Жанчыны складаюць 11% рэйтынгу самых багатых людзей свету, а ў іх сумарным капітале налічваецца $852,8 млрд. Большасць жанчын з гэтага спісу атрымалі сваё багацце ў спадчыну.
Самай багатай жанчынай свету з багаццем $39,5 млрд другі год запар становіцца Ліліян Бетанкур – спадчынніца заснавальніка карпарацыі l'oreal Эжэна Шулера. У параўнанні з мінулым годам, капітал 94-гадовай французскай прадпрымальніцы павялічыўся на $3,4 млрд. У рэйтынгу самых багатых людзей свету Бетанкур займае 14-е месца.
Другое месца сярод самых багатых жанчын 2017 года займае дачка заснавальніка раздробнай сеткі Walmart Сэма Уолтана – 68-гадовая Эліс Уолтан. З багаццем у $33,8 млрд яна выявілася пад нумарам 17 сярод найбагацейшых людзей свету.
Трэцяй сярод самых багатых жанчын свету стала 77-гадовая Жаклін Марс, унучка заснавальніка амерыканскай кандытарскай кампаніі Mars Inc Франкліна Марса. З багаццем $27 млрд у рэйтынгу самых багатых людзей свету Жаклін Марс займае 26-е месца.
Топ-10 самых багатых жанчын 2017 года:
• Ліліян Бетанкур, суўладальніца кампаніі l'oreal, $39,5 млрд
• Эліс Уолтан, спадчынніца карпарацыі Wal-Mart, $33,8 млрд
• Жаклін Марс, старшыня кампаніі Mars Inc, $27 млрд
• Марыя Франка Фісола, удава Мікеле Ферэра, сына заснавальніка кандытарскай кампаніі Ferrero і стваральніка пасты Nutella П'етра Ферэра, $25,2 млрд.
• Сьюзан Клатэн, суўладальніца аўтамабільнага канцэрна BMW, $20,4 млрд
• Ларэн Паўэл Джобс, удава Стыва Джобса, суўладальніца Apple і Disney, $20 млрд
• Джына Райнхарт, уладальніца аўстралійскай жалезаруднай кампаніі Hancock Prospecting, $15 млрд
• Эбігэйл Джонсан, генеральны дырэктар кампаніі Fidelity Investments, $14,4 млрд.
• Айрыс Фантбона, удава чылійскага мільярдэра Андроніка Лаксіка, займаецца горнай прамысловасцю і турыстычным бізнэсам, $13,7 млрд
• Шарлен дэ Карвальё-Хайнікен, валодае кантрольным пакетам акцый Heineken, $12,6 млрд