Банкавыя карткі могуць не працаваць уначы 25 сакавіка

• 22.03.2017, 19:34

Банкавыя карткі могуць не працаваць у Беларусі ўначы 25 сакавіка.

Такая інфармацыя змешчаная на сайце ААТ «Банкавы працэсінгавы цэнтр», паведамляе БелТА.

З 2.00 да 5.00 будуць праводзіць тэхналагічныя работы на адным з модуляў апаратна-праграмнага комплексу Банкавага працэсінгавага цэнтра. У гэты прамежак часу магчымыя перапынкі ў абслугоўванні трымальнікаў картак у частцы прылад банкаў і арганізацый гандлю (сэрвісу), прылучаных да апаратна-праграмнага комплексу Банкавага працэсінгавага цэнтра.

Банкавы працэсінгавы цэнтр абслугоўвае больш за 9,5 млн картак, да яго прылучаныя 70,8 тысячы арганізацый гандлю і сэрвісу, 111,6 тысячы аплатных тэрміналаў, 2,6 тысячы банкаматаў і амаль 2,8 тысячы інфакіёскаў.