У Менску затрыманыя лідары «Маладога Фронту»

• 22.03.2017, 18:02

Людзьмі ў цывільным сёння былі затрыманыя Зміцер Дашкевіч, Сяргей Пальчэўскі і Арцём Леўчанка.

Пра гэта паведаміла ў Фэйсбуку жонка лідара «Маладога Фронту» Наста Дашкевіч:

«Затрымалі Змітра Дашкевіча і Арцёма Леўчанку. Яны ставілі кухню ў шаноўных Уладзіміра і Валянціны Арловых. Замовілі ежу для сябе з дастаўкай, але замест піцы ўварвалася міліцыя ў цывільным. Сяргей Пальчэўскі ў гэты час ездзіў на нашым самаходзе па неабходныя інструменты, пад'язджаючы да кватэры яго хацелі затрымаць. Мабыць, ён надумаў не выходзіць з аўто. У самахода разбітыя бакавыя шыбы, аўтамабіль раскрыты, Сяргея няма. Гарыце вы ўсе ў пекле, таварышы».