Трамп падпісаў закон аб фінансаванні палёту на Марс

• 21.03.2017, 21:10

Закон дазваляе NASА атрымаць дадатковае фінансаванне на даследаванне планеты.

Новы закон таксама прадугледжвае выдаткаванне 19,5 мільярда даляраў на фінансаванне касмічных агенцтваў на бюджэтны 2017 год, які пачаўся 1 кастрычніка 2016 года. Трамп надоечы накіраваў Кангрэсу бюджэтную прапанову, якая дазваляе выдаць касмічнаму агенцтву NASА ў наступным годзе 19,1 мільярда даляраў, паведамляе svoboda.org.

Гэтыя мера ўносіць папраўкі ў дзейны закон, каб весці дадатковыя даследаванні ў засваенні Марса ў якасці адной з цэляў NASА. Законапраект таксама дазваляе NASА атрымаць сродкі для праграм палёту чалавека ў космас і на іншыя кірункі касманаўтыкі, у тым ліку на даследаванне Марса.

Трамп падпісаў законапраект у аўторак у Авальным кабінеце, аточаны астранаўтамі і фундатарамі закона, у тым ліку сэнатараў Тэда Круза і Марка Рубіё і сэнатара-астранаўта ад Фларыды Біла Нэльсана.

Як паведаміла прэс-служба Белага дома, закон S.442 дазваляе асігнаванні для Нацыянальнага агенцтва аэранаўтыкі і даследавання касмічнай прасторы ў 2017 фінансавым годзе; прадугледжвае ўдасканаленне праграмы Міжнароднай касмічнай станцыі; дазваляе медыцынскі маніторынг і лячэнне былых касманаўтаў; упаўнаважвае праграму касмічных тэхналогій і ўпаўнаважвае іншую кампенсацыю за некаторыя небяспечныя камерцыйныя касмічныя паслугі.