УБП Украіны далей расце

• 21.03.2017, 20:07

Рэальны ўнутраны брута прадукт суседняй краіны вырас на 2,3% у мінулым годзе.

Рэальны ўнутраны брута прадукт (УБП) Украіны (з улікам сезоннага чынніку) у 2016 годзе, у параўнанні з адпаведным перыядам 2015 года, вырас на 2,3%. Аб гэтым паведамляе liga.net.

Намінальны УБП склаў 2,38 трлн грн. УБП у разліку на аднаго чалавека - 55,85 тысяч грыўняў.

Паводле звестак Дзярстату Украіны, у III квартале УБП вырас на 1,8%, а ў IV квартале - на 4,7%.

Канчатковыя звесткі пра рост УБП за мінулы год будуць апублікаваныя 29 снежня 2017 года.

Раней у Міністэрстве фінансаў і Міністэрстве эканамічнага развіцця і гандлю (МЭРГ) паведамлялі, што паводле іх звестак рост украінскай эканомікі паводле вынікаў мінулага года склаў 2,2%. МЭРГ прагназуе, што ў гэтым годзе рост УБП складзе 2, 4% пры інфляцыі 11%.