Apple прэзэнтавала чырвоны iPhone 7

• 21.03.2017, 19:57

Купіць чырвоныя смартфоны можна будзе з 24 сакавіка.

Apple абвясціла аб пачатку продажу iPhone 7 і iPhone 7 Плюс чырвонага колеру. Аб гэтым паведамляецца ў прэс-рэлізе карпарацыі.

Купіць чырвоныя смартфоны можна будзе з 24 сакавіка коштам ад $749 (у ЗША). Прылады будуць прэзэнтаваныя мадэлямі з памяццю на 128 або 256 гігабайтаў.

Да гэтага Apple вырабляла айфоны ў серабрыстым, залатым, ружова-залацістым, чорным матавым і чорным глянцавым корпусах. Мадэль чырвонага колеру вырабляецца ў гонар больш чым дзесяцігадовага супрацоўніцтва карпарацыі з дабрачынным праектам (RED), якія дапамагаюць змагацца са СНІД, сухотамі і трасцай. Дагэтуль падчас супольных акцый з (RED) Apple выдавала ў продаж аксэсуары чырвонага колеру, напрыклад, чахлы для айфонаў і слухаўкі.

Аб тым, што карпарацыя ў сакавіку плануе прэзэнтаваць iPhone ў глянцава-чырвоным корпусе, японскі партал Mac Otakara са спасылкай на ананімныя крыніцы паведамляў у канцы лютага.

21 сакавіка Apple таксама абвясціла аб вырабе iPhone SE з памяццю 32 і 128 гігабайтаў. Яны заменяць існыя мадэлі з памяццю на 16 і 64 гігабайтаў; купіць іх можна будзе з 24 сакавіка.