Макрон перамог на дэбатах кандыдатаў у прэзідэнты Францыі

• 21.03.2017, 12:24

За яго выступ прагаласаваў кожны трэці француз.

Незалежны кандыдат на маючых адбыцца выбарах прэзідэнта Францыі Эманюэль Макрон перамог на першых тэледэбатах, якія адбыліся ўчора ўвечары, 20 сакавіка. Пра перамогу экс-міністра эканомікі сведчаць звесткі апытання тэлегледачоў кансалтынг-групай Elabe, праведзенага для канала BFMTV, паведамляе liga.net.

Макрон быў прызнаны «самым пераканаўчым» - 29% гледачоў прагаласавалі за яго, а кожны пяты (20%) аддаў голас за Жана-Люка Меланшона. Асноўныя канкурэнты Макрона - лідарка ўльтраправых Марын Ле Пен і кансерватар Франсуа Фіён - занялі трэцяе месца ў рэйтынгу з аднолькавым вынікам 19%. Выступ Бенуа Амона ўхвалілі 11% апытаных.

Пры гэтым кожны трэці (30%) з гледачоў уважае Макрона «найлепшым праектам для Францыі», Фіёна - 20%, Ле Пэн - 19%, Меланшона - 16% і Амона - 14%.

Адказваючы на пытанне «Хто з кандыдатаў мае найлепшыя якасці для таго, каб стаць прэзідэнтам?», 31% гледачоў назвалі Макрона, 24% - Фіёна, 17% - Ле Пен, 15% - Меланшона і 11% - Амона.

Пры гэтым у частцы «разумення людзей» перамог Меланшон (26%). Ле Пэн набрала па гэтым параметры 24%, Макрон - 23%, Фіён - 14% і Амон - 13%.

У галасаванні ўзялі ўдзел 1157 тэлегледачоў.