Тры чвэрці беларусаў падтрымліваюць план Статкевіча на Дзень Волі

• 21.03.2017, 8:59

Давер да лідараў Беларускага Нацыянальнага Кангрэсу расце.

Большасць патэнцыйных удзельнікаў акцыі 25 сакавіка хочуць, каб яна прайшла згодна з планам, агучаным лідарам БНК.

Пра гэта сведчаць вынікі апытання, праведзенага на сайце «Радыё Свабода».

Паводле вынікаў на раніцу 21 сакавіка, 73% удзельнікаў галасавання падтрымліваюць правядзенне акцый пратэсту ў Дзень Волі паводле плана Мікалая Статкевіча.

Нагадаем, лідар Беларускага Нацыянальнага Кангрэсу заклікаў правесці Марш абураных беларусаў 25 сакавіка ў Менску (збор - 14:00, Акадэмія Навук) і 26 - па ўсёй краіне (збор - 12:00, цэнтральныя плошчы беларускіх гарадоў).