Дзяржбуднагляд за два тыдні не высветліў, што здарылася на «Маяку Менска»

• 15.03.2017, 12:07

Дзяржбуднагляд працягвае праверку «планавага дэмантажу пліты перакрыцця», таго, што здарылася 27 лютага на будаўніцтве жылога дома комплексу «Маяк Менска».

За два тыдні з моманту інцыдэнту на аб'екце правяраючыя так і не ўсталявалі, ці было гэта абрынанне або дэмантаж.

- Праверка працягваецца. На час праверкі працы на аб'екце прыпыненыя. Гэта ўсё, што магу сказаць на гэты момант. — паведаміў tut.by першы намеснік начальніка Дзяржбуднагляду ў горадзе Менску Аляксандр Шыленкоў.

Нагадаем, што пасля публікацыі фатаграфій відавочцаў, прадстаўнік кампаніі ЗТАА «Зомэкс Інвестмент», якая вядзе будаўніцтва, афіцыйна патлумачыў, што тое, што здарылася, — не разбурэннем, а дэмантажом, звязаным са змяненнем праекта.

Што ж гэта было на самай справе, правяраючыя павінны высветліць найбліжэйшым часам. На пытанне, ці магчыма далейшае бяспечнае будаўніцтва гэтага аб’екту, прадстаўнік Дзяржтэхнагляду адказаў сцвярджальна: «Без сумневу, далейшае будаўніцтва аб'екта будзе ажыццяўляцца ў адпаведнасці з праектам і тэхналогіяй будаўнічай вытворчасці, якая забяспечвае бяспеку вытворчасці работ».