«Крумкачы» зробяць «дармаедам» зніжкі на абанементы

• 1.03.2017, 14:59

Зніжка будзе сапраўднай пры наяўнасці «ліста шчасця».

Футбольны клуб «Крумкачы» абвясціў аб гатоўнасці зрабіць 10% зніжкі на абанемент на свае хатнія матчы ўсім, хто падасць афіцыйнае паведамленне з падатковай паводле дэкрэта №3, піша афіцыйны сайт клуба.

Кошт абанементаў, дызайн якіх выкананы ў арыгінальным нацыянальным стылі, пачынаецца ад 36 рублёў. Выбраць і забраняваць месца на стадыёне можна на сайце клуба. Зніжка будзе вылічвацца пры канчатковым разліку за абанемент.

Як паведамляў сайт Charter97.org, сістэму зніжак для патрапілых пад дзеянне дэкрэта №3 распрацавалі салоны пракату сноўбордаў, шынамантаж і ламбарды.