Дзевяць беларускіх прадпрыемстваў патрапілі пад узмоцнены кантроль Рассельгаснагляду

• 27.02.2017, 19:57

Такая пастанова прынятая праз выяўленыя парушэнні пры пастаўках мясной і малочнай прадукцыі.

Рассельгаснагляд увёў рэжым узмоцненага лабараторнага кантролю прадукцыі дзевяці прадпрыемстваў Беларусі, паведамляе «Интерфакс».

Як паведамляе служба, такая пастанова прынятая праз выяўленне парушэнняў пры пастаўках мясной і малочнай прадукцыі.

Узмоцнены кантроль прадукцыі 1-й Менскай птушкафабрыкі (выяўленне патагенных мікраарганізмаў, у тым ліку сальманел у мясе птушкі), агракамбіната «Сноў» (выяўленне сальманел у паўфабрыкатах з свініны), кампаніі «Акдымол» і ТАА «Астрожанскі-Да» (выяўленне лістэрыі ў ялавічыне), Магілёўскага мясакамбіната (выяўленне лістэрыі ў паўфабрыкаце з ялавічыны).

Акрамя таго, у прадукцыі ААТ «Маладзечанскі малочны камбінат» (Валожынскі філіял), Ашмянскага сыраробнага завода, Рагачоўскага МКК і кампаніі «Бабуліна крынка» знойдзены незаяўленая кансервант натаміцын (пімарыцын, дэльвацыд).

Як паведамлялася, натаміцын з'яўляецца супрацьгрыбковым прэпаратам, які выкарыстоўваецца для лячэння і прафілактыкі грыбковых інфекцый кішэчніка, скуры і слізістых абалонак. Пры яго ўжыванні можа быць дыярэя, ваніты, млоснасць, пры ўжыванні вонкавага - смыленне і раздражненне ў вобласці нанясення прэпарата.