Жыхары Віцебска пра Лукашэнку: Хай забірае свой дэкрэт і сыходзіць
- 27.02.2017, 18:31
Дэкрэт аб «дармаедах» не на жарт абурыў беларусаў.
26 лютага ў Віцебску, Бабруйску, Берасці і Баранавічах людзі выйшлі на акцыі пратэстаў супраць абсурднага дэкрэта.
Паглядзіце, што кажуць людзі «Белсату».
«Хопіць ужо гэтых недарэчных дэкрэтаў», - патрабуе жанчына.
«Садралі з людзей вопратку, а цяпер за шкуру ўзяліся», - дадае пенсіянерка.
«Хай забірае свой дэкрэт і сыходзіць. За яго ж ніхто не галасуе», - абураецца бабуля.
Нагадаем, у Беларусі ўжо другі тыдзень людзі выходзяць на вуліцы не толькі супраць дэкрэта «аб дармаедах», але і патрабуюць адстаўкі Лукашэнкі.
Галоўныя лозунгі маршаў абураных беларусаў «Баста!» і «Лукашэнка, сыходзь!».