У Бабруйску ўпаў самалёт МіГ-29
- 23.02.2017, 15:59
У вайсковага самалёта падчас разгону адбылося ўзгаранне рухавіка.
Удзень 23 лютага ў Бабруйску ўпаў самалёт МіГ.
Пра гэта tut.by паведамілі ў прэс-службе Міністэрства абароны.
«Пры выкананні планавых палётаў падчас разгону самалёта МіГ-29 адбылося ўзгаранне рухавіка», — гаворыцца ў паведамленні.
У Мінабароны адзначылі, што інцыдэнт не пацягнуў за сабой негатыўных наступстваў дзякуючы граматным дзеянням лётчыка і кіраўніка палётаў.
«Ніхто не пацярпеў. Самалёт не пакінуў тэрыторыю аэрадрома», — падкрэслілі ў Мінабароны. Прычыны ўзгарання расследуюцца.
Пілот быў вымушаны катапультавацца. Самалёт упаў у раёне аэрадрома.