Чырвоны iPhone 7 з'явіцца гэтай вясной

• 21.02.2017, 20:29

У сакавіку Apple пакажа чырвоны iPhone 7, у продажы смартфон у яркім корпусе можа з'явіцца ўжо ў красавіку-траўні 2017 года.

Паводле інфармацыі японскага сайта Mac Otakara, чырвоны iPhone стане не адзінай навінкай Apple, паведамляе topgeek.com.

На вясну запланавана абнаўленне сямейства планшэтаў iPad Pro, а таксама дэбютуюць iPhone SE са 128 ГБ убудаванай памяці і новы бязрамкавы 10,5 планшэт, які, магчыма, атрымае OLED-экран.