Суд паводле справы мянчанкі, якая пратэставала на кране, перапынены

• 20.02.2017, 18:39

З'явілася надзея на тое, што пастанова суда будзе скасаваная.

Слуханні ў судзе Цэнтральнага раёна паводле справы Галіны Ігнатовіч, якая на знак пратэсту супраць высялення залезла на пад'ёмны кран, перапыненыя. Такую пастанову на папярэднім слуханні агучыў суддзя.

Галіна Ігнатовіч задаволеная такой пастановай і чакае вынікаў ад пракурорскай праверкі. Суд можа прадоўжыцца праз два месяцы. Пра гэта распавёў адвакат Павел Іванюшаў, перадае «Еўрарадыё».

«Мы мяркуем, што гэтую пастанову суда скасуюць і будзе новы разгляд паводле пастановы суда аб высяленні сям'і Ігнатовіч», - распавяла юрыст.

Справа сям'і Ігнатовіч доўжыцца ўжо тры гады. Іх дом знаходзіцца на тэрыторыі, дзе кампанія «Тапас» будуе жыллёвы комплекс «Алімпік-парк». Ігнатовічы незадаволеныя, што кампанія-забудоўнік прапанавала агульную кватэру Галіне Ігнатовіч, ейнаму былому мужу і ягонай новай жонцы. 31 студзеня Галіна на знак пратэсту залезла на вежавы кран і патрабавала сустрэчы з кіраўніком Менгарвыканкама Андрэем Шорцам.