Маладая сям'я з Гомеля: Гэты дэкрэт – апошняя кропля ў чашу цярпення беларусаў
- 19.02.2017, 18:26
Гамельчукі заявілі, што не маюць намер трываць здзек уладаў з народу.
- Мы проста незадаволеныя ўсім тым, што адбываецца ў нашай краіне. Асобнае «дзякуй» хацелася б сказаць нашай дзяржаве, за тое, што зрабіла нас усіх сацыяльна актыўнымі. Улада падштурхнула нас да таго, каб мы выйшлі на вуліцы. У нас няма ні годных заробкаў, ні годнай працы, а гэты дэкрэт – апошняя кропля ў чашу цярпення беларусаў.
У нас у Гомелі ніколі не было такіх масавых сходаў. Яшчэ раз скажу «дзякуй» нашай дзяржаве, якая ўсіх нас сёння сабрала, - кажа маладая сям'я ў інтэрв'ю «Радыё Свабода».
Нагадаем, у Гомелі прайшла масавая акцыя супраць дэкрэта аб «дармаедах». Сharter97.org вёў онлайн-трансляцыю з месца падзей.