Куды выдаткуюць $140 мільёнаў, сабраных з уладальнікаў аўто?

• 10.02.2017, 9:12

У Міністэрстве транспарту не могуць сказаць, калі пачнуць рамантаваць дарогі мясцовага значэння.

140 мільёнаў даляраў сабралі з аўтаўладальнікаў у 2016 годзе ў выніку дарожнага збору. Такую лічбу назваў першы намеснік міністра транспарту і камунікацый Беларусі Аляксей Аўраменка, выступаючы ўвечары 9 лютага ў праграме «Трэба разабрацца» на тэлеканале АНТ, паведамляе euroradio.fm.

Чыноўнік патлумачыў, як будуць размяркоўвацца сабраныя грошы: «Дзяржаўная мыта размяркоўваецца і накіроўваецца на будаўніцтва, капітальны і бягучы рамонт рэспубліканскіх аўтадарог». Разам з тым ён не выключыў, што ў будучыні частка сабраных грошай можа пайсці на мясцовую дарожную гаспадарку.

Таксама Аўраменка заявіў, што з беларускіх аўтаўладальнікаў не плануюць браць плату за карыстанне аўтамабільнымі дарогамі.