Неапалітанскую піцу прызналі спадчынай ЮНЕСКА

• 9.12.2017, 15:10

Працэс гатавання неапалітанскай піцы - гэта мастацтва.

Неапалітанскую піцу прызналі нематэрыяльнай культурнай спадчынай ЮНЕСКА. Аб гэтым паведамляецца на сайце арганізацыі.

У ЮНЕСКА адзначылі, што працэс гатавання неапалітанскай піцы - гэта мастацтва і кулінарная практыка, якая складаецца з чатырох розных фаз.

Раней паведамлялася, што два мільёны італійцаў падпісалі петыцыю за прызнанне неапалітанскай піцы Сусветнай спадчынай ЮНЕСКА.

У петыцыі падкрэслівалі, што статус ўратуе піцу «ад кансерваванай кукурузы, крэветак, нарэзанай салаты і іншай брыдоты, якая прымушае італійцаў жахнуцца». У класічнай неапалітанскай піцы ёсць толькі таматы, мацарэла і базілік.