Домрачава: Б'ёрндален не з'яўляецца маім трэнерам
- 9.12.2017, 14:27
Дар'я Домрачава зняпраўдзіла чуткі пра тое, што яе муж уплывае на яе трэніроўкі.
Беларуская біятланістка Дар'я Домрачава заявіла, што яе муж васьміразовы алімпійскі чэмпіён Уле Эйнар Б'ёрндален не ўносіць карэктыў у яе падрыхтоўку.
«Уле Эйнар - спартовец, які рыхтуецца індывідуальна, і не з'яўляецца маім трэнерам. Я працавала з Рогерам Грубэнам і Альфрэдам Эдэрам і не адразу набрала сваю аптымальную форму.
Нам трэба будзе яшчэ шмат і добра працаваць. Нельга расслабляцца пасля адной добрай гонкі. Я ўпэўненая, што калі ўсё па максімуму выканаюць сваю працу, то праблем не будзе», - сказала Домрачава ў інтэрв'ю Чемпионату.
Нагадаем, напярэдадні Дар'я Домрачава стала пераможцай спрынту ў Хохфільцэне.