ЕЗ і Вялікабрытанія дасягнулі прарыву на перамовах аб Brexit
- 8.12.2017, 10:16
Еўракамісія рэкамендавала перайсці да другога этапу перамоў аб выхадзе Вялікабрытаніі з ЕЗ.
Еўрапейская камісія рэкамендуе перайсці да другога этапу перамоў аб выхадзе Вялікабрытаніі з ЕЗ (Brexit). Пра гэта паведаміў старшыня Еўракамісіі Жан-Клод Юнкер на супольнай прэс-канферэнцыі з брытанскай прэм'еркай Тэрэзай Мэй у пятніцу, 8 снежня, у Брусэлі, піша dw.com.
Цяпер краіны ЕЗ павінны вызначыць, ці былі дасягнутыя "дастатковыя поспехі" падчас першай фазы перамоў, паведаміў далей Юнкер.
Лондан і Брусэль цягам некалькіх месяцаў не маглі дамагчыся адзінага меркавання паводле цэлага шэрагу цэнтральных пунктаў. Трыма асноўнымі спрэчнымі пытаннямі з'яўляліся сума кампенсацыі, якую Лондан павінен выплаціць за выхад з ЕЗ, будучыя правы 3,2 млн грамадзян ЕЗ, якія жывуць у Злучаным Каралеўстве, і адкрытасць мяжы Вялікабрытаніі з Ірландыяй.
Напярэдадні ЕЗ даў ураду Вялікабрытаніі час да канца гэтага тыдня, каб дасягнуць першых кампрамісных пагадненняў наконт Brexit, запланаванага на 2019 год. Распрацоўка ўсёабдымнай дамовы, у якой павінны быць разгледжаныя ўсе спрэчныя пытанні паміж ЕЗ і Вялікабрытаніяй, якія ёсць з чэрвеня 2017 года.